Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածով, Հայաստանի Հանրապետության կառավարության 2006 թվականի մայիսի 18-ի № 912-Ն, № 731-Ն որոշումներով և հաշվի առնելով, որ Գուրգեն Պետրոսյանի կողմից ընդունվել է ուղղակի վաճառքով գնելու առաջարկը. Հայաստանի Հանրապետության Արարատի մարզի Մասիս համայնքի ավագանին որոշում է. 

1․Թույլատրել Մասիս համայնքի սեփականություն հանդիսացող  Հայաստանի Հանրապետության Արարատի մարզ, համայնք Մասիս, ք․ Մասիս  9-րդ փողոց 1/23  հասցեում գտնվող անասնաշենքը  (մակերեսը՝ 58,06քմ)  և  սպասարկման ու պահպանման համար զբաղեցրած 0.017 հա արդյունաբերության, ընդերքօգտագործման  և այլ արտադրական նշանակության գյուղատնտեսական արտադրական  օբյեկտների հողամասը (ծածկագիր՝ 03-003-0094-0081) ուղղակի վաճառքով օտարել բնակիչ՝  Գուրգեն Բաղդասարի Պետրոսյանին:

2․ Շինության ուղղակի վաճառքի գինը կազմում է 228650 (երկու հարյուր քսանութ հազար վեց հարյուր հիսուն)  Հայաստանի Հանրապետության դրամ:

3․ Շինությամբ զբաղեցրած հողամասի ուղղակի վաճառքի գինը կազմում է 755110 ( յոթ հարյուր հիսունհինգ  հազար հարյուր տաս)  Հայաստանի Հանրապետության դրամ: 

4․Սահմանված չափերով ձևավորված վաճառքի գնին (վարձավճարին) հավելվում են միավորի նկատմամբ մինչև օտարումը համայնքի անվամբ գույքային իրավունքի պետական գրանցման համար իրականացված վճարները` 26000 ( քսանվեց հազար)  Հայաստանի Հանրապետության դրամ վճարման անդորրագրերի հիման վրա: 

5․ Գույքն օտարելուց հետո համայնքի հաշվապահական և հողային հաշվեկշռում կատարել համապատասխան փոփոխություններ: