Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածով, Հայաստանի Հանրապետության կառավարության 2006 թվականի մայիսի 18-ի № 912-Ն, № 731-Ն որոշումների պահանջներով և հաշվի առնելով, որ Վրեժ Անտոնյանի կողմից ընդունվել է ուղղակի վաճառքով գնելու առաջարկը. Հայաստանի Հանրապետության Արարատի մարզի Մասիս համայնքի ավագանին որոշում է. 

1. Թույլատրել Մասիս համայնքի սեփականություն հանդիսացող ՀՀ Արարատի մարզ, Մասիս համայնք, ք․ Մասիս Նոր թաղամասի 1-ին փողոց  11/1 հասցեում գտնվող շինությունները՝ ավտոտնակ և տնտեսական պահեստ (ընդհանուր մակերեսը՝ 32․2քմ)  և  սպասարկման ու պահպանման համար զբաղեցրած 0.0239 հա բնակավայրերի բնակելի  կառուցապատման նշանակության հողամասը (ծածկագիր՝ 03-003-0137-0275) ուղղակի վաճառքով օտարել բնակիչ՝  Վրեժ Վլադիմիրի Անտոնյանին:

2.Շինության ուղղակի վաճառքի գինը կազմում է 126804 ( հարյուր  քսանվեց հազար ութ հարյուր չորս) ՀՀ դրամ:

3.Շինությամբ զբաղեցրած հողամասի ուղղակի վաճառքի գինը կազմում է 1061591 (մեկ միլիոն վաթսունմեկ հազար հինգ հարյուր իննսունմեկ) ՀՀ դրամ:

4. Սահմանված չափերով ձևավորված վաճառքի գնին  հավելվում են միավորի նկատմամբ մինչև օտարումը համայնքի անվամբ գույքային իրավունքի պետական գրանցման համար իրականացված վճարները` 26000 ( քսանվեց հազար) ՀՀ դրամ վճարման անդորրագրերի հիման վրա: 

5. Գույքն օտարելուց հետո համայնքի հաշվապահական և հողային հաշվեկշռում կատարել համապատասխան փոփոխություններ: