Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Հայաստանի Հանրապետության հողային օրենսգրքի 7-րդ հոդվածի 9-րդ, 16-րդ մասերով, Հայաստանի Հանրապետության կառավարության 2011 թվականի դեկտեմբերի 29-ի N1920-Ն որոշմամբ և հաշվի առնելով ընկերության տնօրեն Ա․ Գրիգորյանի հայտը /02.03.2025թ. դիմում 7715-25/՝ Հայաստանի Հանրապետության Արարատի մարզի Մասիս համայնքի ավագանին որոշում է․

1. ՀՀ Արարատի մարզի, Մասիս համայնքի Սիս բնակավայրում գտնվող <<ՕԱԶԻՍ ԻՆԴՈՒՍՏՐԻ>> սահմանափակ պատասխանատվությամբ ընկերությանը սեփականության իրավունքով պատկանող 03-083-0108-0009 կադաստրային ծածկագիրը կրող 2,13 հա մակերեսով գյուղատնտեսական նպատակային,  խոտհարք հողատեսքի հողամասի նպատակային և գործառնական նշանակությունը փոխել արդյունաբերության, ընդերքօգտագործման և այլ արտադրական օբյեկտների նպատակային և արդյունաբերական օբյեկտների գործառնական նշանակության՝ ձկնաբուծարան  կառուցելու նպատակով։