Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածով, Հայաստանի Հանրապետության կառավարության 2006 թվականի մայիսի 18-ի № 912-Ն, № 731-Ն որոշումներով և հաշվի առնելով, որ Սեյրան Կիզողյանի կողմից ընդունվել է ուղղակի վաճառքով գնելու առաջարկը. Հայաստանի Հանրապետության Արարատի մարզի Մասիս համայնքի ավագանին որոշում է. 

1․Թույլատրել Մասիս համայնքի սեփականություն հանդիսացող  Հայաստանի Հանրապետության Արարատի մարզ, համայնք Մասիս, ք․ Մասիս  Դպրոցականների փողոց 4 /14 արհեստանոց հասցեում գտնվող վերանորոգման կետը  (մակերեսը՝ 3,40քմ)  և  սպասարկման ու պահպանման համար զբաղեցրած 0.00062 հա բնակավայրերի հասարակական կառուցապատման նշանակության հողամասը (ծածկագիր՝ 03-003-0130-0235) ուղղակի վաճառքով օտարել բնակիչ՝  Սեյրան Կիզողյանին:

2․ Շինության ուղղակի վաճառքի գինը կազմում է 70870 (յոթանասուն հազար ութ հարյուր յոթանասուն )  Հայաստանի Հանրապետության դրամ:

3․ Շինությամբ զբաղեցրած հողամասի ուղղակի վաճառքի գինը կազմում է 42380  ( քառասուներկու հազար երեք հարյուր ութսուն )  Հայաստանի Հանրապետության դրամ: 

4․Սահմանված չափերով ձևավորված վաճառքի գնին (վարձավճարին) հավելվում են միավորի նկատմամբ մինչև օտարումը համայնքի անվամբ գույքային իրավունքի պետական գրանցման համար իրականացված վճարները` 26000 ( քսանվեց հազար)  Հայաստանի Հանրապետության դրամ վճարման անդորրագրերի հիման վրա: 

5․ Գույքն օտարելուց հետո համայնքի հաշվապահական և հողային հաշվեկշռում կատարել համապատասխան փոփոխություններ: