Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության քաղաքացիական օրենսգրքի 605-րդ հոդվածի պահանջներով, հիմք ընդունելով Սիմոնյան կրթական հիմնադրամի 30.06.2022 թվականի առաջարկը և 2022 թվականի հուլիսի 6-ին Մասիս համայնքի և Սիմոնյան կրթական հիմնադրամի միջև կնքված հուշագիրը՝ Հայաստանի Հանրապետության Արարատի մարզի Մասիս համայնքի ավագանին որոշում է.

1.     Մասիս համայնքին սեփականության իրավունքով պատկանող /կադաստրային համար՝03-003-055-026, 2009 թվականի սեպտեմբերի 12-ին տրված  վկայականի համար՝ 2696757/ հողամասը մեկ տարվա ընթացքում նվիրաբերել Սիմոնյան կրթական հիմնադրամին՝ նշված հողամասում «Թումո ստեղծարար տեխնոլոգիաների կենտրոններ» բարեգործական ծրագրի շրջանակում Թումո կենտրոն կառուցելու նպատակով:

2.    Սիմոնյան կրթական հիմնադրամը պարտավոր է հողամասի նվիրաբերության պայմանագրի կնքումից և պետական գրանցում ստանալու պահից՝ 3 տարվա ընթացքում առնվազն 400 000 000/ չորս հարյուր միլիոն/ ՀՀ դրամ գումարի չափով իրականացնել բարեգործական ծրագիր՝ կառուցել անհրաժեշտ տեխնիկական հագեցվածություն ունեցող կենտրոն: