Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածով, Հայաստանի Հանրապետության կառավարության 2006 թվականի մայիսի 18-ի № 912-Ն, № 731-Ն որոշումների պահանջներով և հաշվի առնելով, որ Արմեն Ստեփանյանի կողմից ընդունվել է ուղղակի վաճառքով գնելու առաջարկը. Հայաստանի Հանրապետության Արարատի մարզի Մասիս համայնքի ավագանին որոշում է. 

1. Թույլատրել Մասիս համայնքի սեփականություն հանդիսացող ՀՀ Արարատի մարզ, ք. Մասիս, 3-րդ թաղամաս 7/24 հասցեում գտնվող ավտոտնակը  (մակերեսը՝ 31,9քմ)  և դրա սպասարկման ու պահպանման համար զբաղեցրած 0.00319 հա բնակավայրերի բնակելի կառուցապատման նշանակության հողամասը (ծածկագիր՝ 03-003-0073-0220) ուղղակի վաճառքով օտարել բնակիչ՝ Արմեն Սանդրոյի Ստեփանյանին:

2.Շինությունների ուղղակի վաճառքի գինը կազմում է 62812 ( վաթսուներկու հազար ութ հարյուր տասներկու) ՀՀ դրամ:

3.Շինությունների զբաղեցրած հողամասի ուղղակի վաճառքի գինը կազմում է  141694 ( հարյուր քառասունմեկ հազար վեց հարյուր իննսունչորս) ՀՀ դրամ:

4.Գույքն օտարելուց հետո համայնքի հաշվապահական և հողային հաշվեկշռում կատարել համապատասխան փոփոխություններ: