Զեկ. ԱՐՄԻՆԱ ՄԵԼՈՅԱՆ

Ղեկավարվելով ,,Նորմատիվ իրավական ակտերի մասին,, Հայաստանի Հանրապետության օրենքի 33-րդ հոդվածի 1-ին մասի 1-ին և 38.1  կետով՝  Հայաստանի Հանրապետության Արարատի մարզի Մասիս համայնքի ավագանին որոշում է.

1․Չեղյալ ճանաչել Մասիս համայնքի ավագանու 2025 թվականի հունիսի 24-ի  << ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱՐԱՏԻ ՄԱՐԶԻ ՄԱՍԻՍ ՀԱՄԱՅՆՔԻ ԱՎԱԳԱՆՈՒ 2025 ԹՎԱԿԱՆԻ ԱՊՐԻԼԻ 22-Ի 117-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ>> N 213-Ա որոշումը։

2․Հայաստանի Հանրապետության Արարատի մարզի Մասիս համայնքի ավագանու 2025 թվականի ապրիլի 22-ի << ՄԱՍԻՍ ՀԱՄԱՅՆՔԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ՀՈՂԱՄԱՍԸ ՀՈՎԻԿ ԱՐՇԱՎԻՐԻ ՎԱՐԴԱՆՅԱՆԻՆ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ >> N 117-Ա որոշումը շարադրել նոր խմբագրությամբ՝  

ՄԱՍԻՍ ՀԱՄԱՅՆՔԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ՀՈՂԱՄԱՍԸ ՀՈՎԻԿ ԱՐՇԱՎԻՐԻ ՎԱՐԴԱՆՅԱՆԻՆ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետով , հիմք ընդունելով Հովիկ Վարդանյանի դիմումը /մտից՝ 21.03.2025թ. թիվ 3055/, 21.01.2006թ, թվականին կնքված  վարձակալության պայմանագիրը և հաշվի առնելով, որ Մասիս համայնքի, Մասիս քաղաքի 03-003-0296-0171 և 03-003-0296-0541 ծածկագրերը կրող 0,58746 հա և 0.03496 հա հողամասերը չեն հանդիսանում Հայաստանի Հանրապետության հողային օրենսգրքի 60-րդ հոդվածով նախատեսված հողամաս` Հայաստանի Հանրապետության Արարատի մարզի Մասիս համայնքի ավագանին որոշում է․

1․Մասիս համայնքի սեփականություն հանդիսացող, Հովիկ Արշավիրի Վարդանյանի կողմից վարձակալած՝ Մասիս համայնքի Մասիս քաղաքում գտնվող 03-003-0296-0171 և 03-003-0296-0541 ծածկագրերով  համապատասխանաբար 0,58746 հա  և 0.03496 հա արդյունաբերության ընդերքօգտագործման և այլ արտադրական նպատակային  արդյունաբերական օբյեկտների  գործառնական նշանակության հողամասը  /իրավունքի պետական գրանցման վկայականներ  N 27052025-03-0085, N16042025-03-0093/, թույլատրել ուղղակի վաճառքով  մեկ տարվա ընթացքում, գնման նախապատվության իրավունքով, տվյալ պահին գործող հողի կադաստրային արժեքով՝  1 քմ-ը 1221 ՀՀ դրամ, 0,58746 հա  հողամասի համար 7173000 /յոթ միլիոն հարյուր յոթանասուներեք հազար/ Հայաստանի Հանրապետության դրամ  և 0.03496 հա հողամասի համար 427000 /չորս հարյուր քսանյոթ հազար/ Հայաստանի Հանրապետության դրամ, ընդհանուր 7600000 /յոթ միլիոն վեց հարյուր հազար/ Հայաստանի Հանրապետության դրամ  արժեքով օտարել  Հովիկ Արշավիրի Վարդանյանին։