Ղեկավարվելով <<Համայնքային ծառայության մասին>> Հայաստանի Հանրապետության օրենքի 26-րդ հոդվածի 1-ին մասի <<է>> կետով և 2-րդ մասով, <<Հանրային ծառայության մասին>> Հայաստանի Հանրապետության օրենքի 47-րդ հոդվածի 2-րդ մասով, ինպես նաև հանրային պաշտոն զբաղեցնող անձանց և հանրային ծառայողների կողմից իրենց աշխատանքային պարտականությունները պատշաճ և ժամանակին կազմակերպելու անհրաժեշտությունից ելնելով՝ Հայաստանի Հանրապետության Արարատի մարզի Մասիս համայնքի ավագանին որոշում է.

1.Հանրային պաշտոն զբաղեցնող անձանց և հանրային ծառայողներին ըստ անհրաժեշտության հատկացնել տրանսպորտային միջոց, իսկ անհնարինության դեպքում՝ փոխհատուցել տրանսպորտային ծախսերը,

2.Մասիսի համայնքապետարանի աշխատակազմի կոմունալ տնտեսության և տրանսպորտի բաժնի պետին՝ սույն որոշումն ուժի մեջ մտնելու օրվանից հետո եռօրյա ժամկետում Մասիս համայնքի ղեկավարի հաստատմանը ներկայացնել հանրային պաշտոն զբաղեցնող անձանց և հանրային ծառայողների տրանսպորտային ծախսերի հատուցման առավելագույն սահմանաչափերը՝ ըստ Մասիս համայնքի բնակավայրերի,

3.Սույն որոշման կատարման նկատմամբ հսկողությունը հանձնարարել Մասիս համայնքի ղեկավարի օգնական  Նորիկ Գևորգյանին: