Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի ՀՕ-397-Ն օրենքի 2-րդ հոդվածով, Հայաստանի Հանրապետության կառավարության 2006 թվականի մայիսի 18-ի № 912-Ն, № 731-Ն որոշումներով  և հաշվի առնելով, որ Վազգեն Զարգարյանի կողմից ընդունվել է ուղղակի վաճառքով գնելու առաջարկը. Հայաստանի Հանրապետության Արարատի մարզի Մասիս համայնքի ավագանին որոշում է. 

1․ Թույլատրել Մասիս համայնքի սեփականություն հանդիսացող  Հայաստանի Հանրապետություն Արարատի մարզ, Մասիս համայնք, գյուղ Սայաթ Նովա, Նոր թաղամասի 10-րդ փողոց  2/1 հասցեում գտնվող հասարակական շինությունները՝  ընդհանուր  64,8քմ արտաքին մակերեսով,  և  սպասարկման ու պահպանման համար զբաղեցրած 0.06157 հա բնակավայրերի հասարակական կառուցապատման նշանակության հողամասը (ծածկագիր՝ 03-082-0003-0102) ուղղակի վաճառքով օտարել բնակիչ՝  Վազգեն Սանթուրի Զարգարանին:

2․Շինությունների ուղղակի վաճառքի գինը կազմում է  705089 ( յոթ հարյուր հինգ հազար ութսունինը) Հայաստանի Հանրապետության դրամ:

3․Շինություններով զբաղեցրած հողամասի ուղղակի վաճառքի գինը կազմում է 158244 ( հարյուր հիսունութ  հազար  երկու  հարյուր քառասունչորս) Հայաստանի Հանրապետության դրամ:

4․ Ավել հողամասի ուղղակի վաճառքի գինը կազմում է 1780585  (մեկ միլիոն յոթ հարյուր ութսուն  հազար  հինգ հարյուր ութսունհինգ) Հայաստանի Հանրապետության դրամ: 

5․ Սահմանված չափերով ձևավորված վաճառքի գնին հավելվում են միավորի նկատմամբ մինչև օտարումը համայնքի անվամբ գույքային իրավունքի պետական գրանցման համար իրականացված վճարները` 26000 ( քսանվեց հազար) Հայաստանի Հանրապետության դրամ վճարման անդորրագրերի հիման վրա: 

6․ Գույքն օտարելուց հետո համայնքի հաշվապահական և հողային հաշվեկշռում կատարել համապատասխան փոփոխություններ: