Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 18-րդ հոդվածի 1-ին մասի 15-րդ, 28-րդ կետերի, ,,Պետական ոչ առևտրային կազմակերպության մասին,, Հայաստանի Հանրապետության օրենքի 9-րդ հոդվածի 5-րդ մասի պահանջներով, հաշվի առնելով  Մասիս համայնքի ղեկավարի առաջարկը Հայաստանի Հանրապետության Արարատի մարզի Մասիս համայնքի ավագանին որոշում է՝

1. ,,Մասիսի կոմունալ տնտեսություն, բարեկարգում և բնակչության հատուկ սպասարկում,, համայնքային ոչ առևտրային կազմակերպությունը վերանվանել ,, ,,Մասիս համայնքի  կոմունալ տնտեսություն, բարեկարգում և կանաչապատում,, համայնքային ոչ առևտրային կազմակերպություն,, :

2.Սահմանել, որ կազմակերպության հիմնական նպատակն է Մասիս համայնքի վարչական տարածքի սահմաններում համայնքի սեփականություն հանդիսացող տարածքների բարեկարգման, կանաչապատման, բնության ու շրջակա միջավայրի պահպանության, պետական և համայնքային սեփականություն հանդիսացող տարածքների աղբահանության և սանիտարական մաքրման ոլորտներում աշխատանքների իրականացումն է:

3. Սահմանել, որ կազմակերպությունը իրավունք ունի զբաղվելու  հետևյալ ձեռնարկատիրական գործունեությամբ.

1)Ֆիզիկական և  իրավաբանական անձանց սեփականություն հանդիսացող տարածքների բարեկարգում, կանաչապատում,

2)Ոչ կենցաղային, շինարարական և խոշոր եզրաչափի աղբի հավաքում, փոխադրում,

3)Ֆիզիկական և իրավաբանական անձանց սեփականություն հանդիսացող շենք-շինությունների վերանորոգում, բարեկարգում:

4.Հաստատել  ,,Մասիս համայնքի կոմունալ տնտեսություն, բարեկարգում և բնակչության հատուկ սպասարկում,, համայնքային ոչ առևտրային կազմակերպության կանոնադրությունը նոր խմբագրությամբ /կցվում է/:

5. Սույն որոշումն ուժ  մեջ է մտնում պաշտոնական հրապարակման  հաջորդ օրը: