Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 42-րդ կետի, Հայաստանի Հանրապետության հողային օրենսգրքի 7-րդ հոդվածի 9-րդ, 16-րդ մասերի պահանջներով և հաշվի առնելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի թիվ 2/փ - 370 եզրակացությունը և  Հայաստանի Հանրապետության Արարատի մարզպետի գրությունը՝ /մտից ՝ 16.09․2024թ. N 12667/ ՝ Հայաստանի Հանրապետության Արարատի մարզի Մասիս համայնքի ավագանին որոշում է․

1. Հաստատել  Հայաստանի Հանրապետության Արարատի մարզի, Մասիս համայնքի Հայանիստ բնակավայրը ներառող միկրոռեգիոնալ մակարդակի Արարատ-2 համակցված տարածական պլանավորման  փաստաթղթի  սույն փոփոխությունը՝

•  Հայաստանի Հանրապետություն Արարատի մարզի  Մասիս համայնքի (Հայանիստ բնակավայր) վարչական տարածքում գտնվող, քաղաքացու  սեփականություն հանդիսացող  կադաստրային 03-052-0225-0018 ծածկագրով 0․2816 հա մակերեսով հողամասը արդյունաբերության, ընդերքօգտագործման և այլ արտադրական   նպատակային նշանակության արդյունաբերական օբյեկտներ հողերից փոխադրել  բնակավայրերի  նպատակային  նշանակության  հասարակական կառուցապատման   հողեր գործառնական նշանակության: