Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ին ընդունված ՀՕ 397-Ն օրենքի 2-րդ հոդվածով, հիմք ընդունելով Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշումը, ինչպես նաև այն, որ  Հայաստանի Հանրապետության կադաստրի կոմիտեում ինքնակամ կառույցի հաշվառված լինելու փաստը հավաստվում է  11032024-03-0108 վկայականով՝  որոշում եմ. 

1. ՀՀ Արարատի մարզ, Մասիս համայնք, գ Նոր Խարբերդ Երևան-Արտաշատ խճուղի 85/3 հասցեում (ծածկագիր՝ 03-070-0132-0058) Հովսեփ Սեդրակի Քեշիշյանին և Անահիտ Հովհաննեսի Ավետիսյանին սեփականության իրավունքով պատկանող հողամասում իրենց կողմից ինքնակամ կառուցված շինությունը 94,3 քմ արտաքին մակերեսով, որի պահպանումը չի խախտում այլ անձանց իրավունքները և օրենքով պաշտպանվող շահերը, վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, չեն գտնվում հողային օրենսգրքի 60-րդ հոդվածով սահմանված հողերի ցանկում, ճանաչել օրինական։

2. Օրինական ճանաչված շինության (արտաքին մակերեսը՝ 94,3 քմ) մուծման վճարը կազմում է 371354 (երեք հարյուր յոթանասունմեկ հազար երեք հարյուր հիսունչորս) ՀՀ դրամ (մեկ քմ-ի արժեքը 3938 ՀՀ դրամ):

3. Սույն որոշման 2-րդ կետում նշված վճարը անհրաժեշտ է վճարել 900435101630 հաշվեհամարին՝ նպատակ դաշտում նշելով «ինքնակամ շինության օրինականացում» բառերը:

4. Որոշման ընդունման օրվանից օրինականացման համար սահմանված վճարների՝ 60-օրյա ժամկետում չվճարման դեպքում որոշումը համարվում է ուժը կորցրած։

5․Սույն որոշումը ուժի մեջ է մտնում ընդունման օրվանից և ենթակա է պետական գրանցման: