Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 5-րդ կետով, <<Բյուջետային համակարգի մասին>> Հայաստանի Հանրապետության օրենքի 13-րդ հոդվածի 4-րդ և 5-րդ մասերով, 33-րդ հոդվածի 4-րդ մասով և <<Նորմատիվ իրավական ակտերի մասին>> Հայաստանի Հանրապետության օրենքի 33-րդ հոդվածի 1-ին մասի 3-րդ կետով՝ Հայաստանի Հանրապետության Արարատի մարզի Մասիս համայնքի ավագանին որոշում է.

1.  2024 թվականի հունվարի 1-ի դրությամբ Մասիս համայնքի բյուջեի վարչական մասի տարեսկզբի ազատ մնացորդը՝ 600 958 063.80 դրամը և ֆոնդային մասի տարեսկզբի ազատ մնացորդը՝ 249 129 552.20 դրամը ուղղել 2024 թվականի Մասիս համայնքի բյուջեի ֆոնդային մասի մուտքերին համաձայն հավելված 5-ի /հատված 4 և 5/:

2.  2024 թվականի բյուջեի ֆոնդային մասի մուտքերը և ծախսերն ավելացնել 850 087 616 դրամով:

3. Մասիս համայնքի ավագանու 2023 թվականի դեկտեմբերի 28-ի <<Հայաստանի Հանրապետության Արարատի մարզի Մասիս համայնքի 2024 թվականի բյուջեն հաստատելու մասին>> N 334-Ն որոշման 1-ին, 2-րդ, 3-րդ  և  4-րդ հավելվածները շարադրել նոր խմբագրությամբ /հավելվածները կցվում են/:

4․Սույն որոշումն ուժի մեջ է մտնում  որոշումն ընդունելու հաջորդող օրվանից։