|
20.05.25
ՏԵՂԻ ՈՒՆԵՑԱՎ ԱՎԱԳԱՆՈՒ ՀԵՐԹԱԿԱՆ ՆԻՍՏԸ
|
Այսօր կայացավ Մասիս համայնքի ավագանու հերթական նիստը։ Ավագանու հավանությանն էր ներկայացված 4 տասնյակից ավելի հարց։ Օրակարգային հարցերի վերաբերյալ կայացվեցին համապատասխան որոշումներ։ Մանրամասները` |
|
|
20.05.25
ՄՊՍԿ ԹԱՏԵՐԱԽՄԲԵՐԻ ՆՈՐ ՁԵՌՔԲԵՐՈՒՄՆԵՐԸ
|
Մասիսի Մանկապատանեկան ստեղծագործական կենտրոնի(ՄՊՍԿ) «Մասիսի նոր սերունդ» և «Սիրոն» թատերախմբերը (գեղ. ղեկավար՝ Արշակ Ղազարյան) շարունակում են հաջողությամբ հանդես գալ տարբեր բեմահարթակներում։ Խմբերը փայլուն մասնակցությունն ունեցան նաև «Էտյուդ» արվեստի մրցույթ-փառատոնում` գրավելով պատվավոր առաջին հորիզոնականը և արժանանալով «Լավագույն կոմպոզիցիոն լուծում» մրցանակին։ Շնորհավորում ենք։ |
|
|
19.05.25
ՓԱՌԱՏՈՆ, ՈՐԸ ԿԽԹԱՆԻ ՆԱԵՎ ՀԱՄԱՅՆՔԱՅԻՆ ՀԱՄԱԳՈՐԾԱԿՑՈՒԹՅՈՒՆԸ
|
Մասիս համայնքում ընթացող երաժշտական փառատոնի երկրորդ օրն էլ ավելի հարուստ էր հաճելի ու տպավորիչ պահերով։ Բեմահարթակին կրկին Մասիս համայնքում գործող 4 երաժշտական դպրոցի սաներն էին, ովքեր հանդես եկան գործիքային կատարումներով։ Հուզումնառատ այս օրն էլ ամփոփվեց գնահատանքի խոսքերով։ Առջևում փառատոնի երրորդ օրն է։ |
|
|
18.05.25
ՄԵԿՆԱՐԿԵՑ ՄԱՍԻՍ ՀԱՄԱՅՆՔԻ ԵՐԱԺՇՏԱԿԱՆ ԴՊՐՈՑՆԵՐԻ ՓԱՌԱՏՈՆԸ
|
|
Մշակութային կյանքը Մասիս համայնքում նոր փուլ է մտնում, և տարբեր հետաքրքիր միջոցառումները հաջորդում են միմյանց. երեկ մեկնարկեց Մասիս համայնքի երաժշտական դպրոցների փառատոնը, որն անցկացվում է առաջին անգամ։Ողջունելով ժյուրիի անդամներին, հյուրերին, ներկաներին` Մասիս համայնքի ղեկավար Դավիթ Համբարձումյանը կարևորեց փառատոնի կազմակերպումն ու անցկացումը, քանզի սա մի նոր հարթակ է, որտեղ դպրոցների սաները հնարավորություն ունեն ներկայացնելու իրենց երաժշտական հմտությունները, տաղանդը։Դ. Համբարձումյանը վստահեցրեց, որ այս նախաձեռնությունը կդառնա շարունակական և կամրապնդի մշակութային կապերը, կբարձրացնի երաժշտական արվեստի նշանակությունը համայնքային կյանքում։Փառատոնային առաջին օրը բավական հագեցած էր, և համայնքի յուրաքանչյուր ...
Մանրամասն |
|
|
10.05.25
ՕՐՎԱ ԽՈՐՀՐԴԻՆ ՆՎԻՐՎԱԾ ՄԻՋՈՑԱՌՈՒՄ` ԴԱՐԱԿԵՐՏՈՒՄ
|
Երեկ Դարակերտ գյուղում նույնպես տեղի ունեցավ միջոցառում, որը նվիրված էր Հաղթանակի և խաղաղության օրվան։ Միջոցառմանը ներկա էին Մասիս համայնքի ղեկավար Դավիթ Համբարձումյանը, բնակավայրերի վարչական ղեկավարներ, հյուրեր, բնակիչներ։ Դարակերտի այգում, որտեղ տեղադրված է գյուղի զոհվածներին նվիրված հուշարձանը, տեղի ունեցավ ծաղկեդրման արարողություն, նաև հոգեհանգստյան կարգ` հանուն խաղաղության, հանուն վաղվա օրվա զոհված հայորդիների համար։ Իսկ նրանց հիշատակը միշտ վառ կմնա, քանի դեռ կան փոքրիկներ, ովքեր խոստացան, որ միշտ հիշելու են անմահ հերոսներին։ Հավերժ փա՛ռք բոլոր ժամանակների մեր հերոսներին.... |
|
|
10.05.25
ՀԱՄԱՅՆՔԱՅԻՆ ԿԱՐԵՎՈՐՈՒԹՅԱՆ ԵՎՍ ՄԵԿ ԾՐԱԳԻՐ. Բացվեց Ղուկասավանի այգին
|
|
Մայիսյան տոնական այս օրը նշանավորվեց Ղուկասավան բնակավայրի համար. տեղի ունեցավ բարեկարգված ու կահավորված այգու պաշտոնական բացման արարողությունը, որին ներկա էին Մասիս համայնքի ղեկավար Դավիթ Համբարձումյանը, համայնքապետարանի աշխատակազմի ներկայացուցիչներ, բնակավայրերի վարչական ղեկավարներ, հյուրեր, բնակիչներ։Միջոցառումը մեկնարկեց օրհնության խոսքով, որին հաջորդեցին գեղարվեստական կատարումները` զուգորդված խոնարհումի ու հիշատակի խոսքերով։Իսկ մանուկների կողմից երկինք ուղարկված աղավնիներն իրենց մեջ ամփոփում էին փոքրիկների երազանքը` խաղաղություն մեր երկրին։Միջոցառման ավարտին շնորհակալագրերի արժանացան այն ղուկասավանցիները, ովքեր մասնակցել և աջակցել են այգու բարեկարգման աշխատանքներին։Այգում տնկվեցին նաև անվանական ...
Մանրամասն |
|
|
08.05.25
ՀԻՇԵԼՈՎ ԱՆՑՅԱԼԸ՝ ՄԻԱՎՈՐՎՈՒՄ ԵՆՔ ՆԵՐԿԱՅՈՒՄ
|
|
Այսօր` մեր անցյալ հաղթանակների օրվա խորհրդով, Մասիս համայնքում կայացավ հիշատակի քայլերթ` դեպի Մասիսի զոհվածների հիշատակը հավերժացնող պանթեոն։ Խոնարհումի քայլերթն առաջնորդում էին Մասիս համայնքի ղեկավար Դավիթ Համբարձումյանը, համայնքի ղեկավարի տեղակալ Խ. Արոյանը, Սուրբ Թադեոս եկեղեցու հոգևոր հովիվ Տեր Եզնիկ քահանա Մարդիրյանը։ Երթին մասնակցում էին Մասիսում ապաստանած արցախցի մեր հայրենակիցները՝ ի հիշատակ իրենց այն հարազատների, որոնց շիրիմները մնացել են Արցախում՝ դեռ անհասանելի ծաղիկ խոնարհելու։ Այս քայլքով հարգանքի տուրք մատուցվեց ոչ միայն իրենց անձնական հիշողություններին, այլև հավաքական ցավին ու պայքարին։ Հիշելով անցյալը՝ միավորվում ենք ներկայում՝ հանուն վաղվա օրվա։
|
|
|
08.05.25
ԱՅՑԵԼՈՒԹՅՈՒՆ ՀԱՅՐԵՆԱԿԱՆ ՊԱՏԵՐԱԶՄԻ ՎԵՏԵՐԱՆԻՆ
|
|
Մայիսի 9-ի խորհրդով պայմանավորված` Մասիս համայնքի ղեկավարին կից կանանց և երիտասարդների խորհրդակցական մարմնի ներկայացուցիչները, Արևաբույր բնակավայրի վարչական ղեկավար Տ. Մարգարյանը, Մասիսի համայնքապետարանի սոցիալական աշխատակիցն այցելեցին և շնորհավորեցին Մասիս համայնքում բնակվող Հայրենական պատերազմի վետերան Խաչիկ Շահբազյանին։ Պատերազմի դժվարին ուղին անցած, վիրավորում ստացած 99-ամյա Խաչիկ Շահբազյանն այսօր ամենաշատն ուզում է, որ խաղաղություն լինի և, որ իրենց գյուղի դպրոցը շուտ կառուցվի, ու ինքը մասնակցի բացման արարողությանը։
|
|
| 1 2 3 4 5 6 7 8 9 10 ... |