|
29.12.24
ՊԱՐԳԵՎԱՏՐՎԵՑԻՆ ԼԱՎԱԳՈՒՅՆՆԵՐԸ
|
Տարեմուտին ընդառաջ` Մասիս համայնքի ղեկավար Դավիթ Համբարձումյանը հանդիպեց նաև համայնքի ուսանողներին ու աշակերտներին, ովքեր տարվա ընթացքում ցուցաբերել են բարձր առաջադիմություն։ Ողջունելով ներկաներին` Դ. Համբարձումյանը նշեց, որ երիտասարդները մշտապես գտնվում են ուշադրության կենտրոնում և համայնքապետարանի կողմից իրականացվում են տարբեր ծրագրեր։ Համայնքապետը հորդորեց ներկաներին լինել ավելի ակտիվ և մասնակցել ՏԻ գործընթացներին։ Դ. Համբարձումյանը պատասխանեց նաև հնչեցված մի շարք հարցերին և շնորհավորեց Ամանորի և Սուրբ Ծննդյան տոների առթիվ։ |
|
|
28.12.24
ՏԱՐԵՄՈՒՏԻՆ ԸՆԴԱՌԱՋ. ՊԱՐԳԵՎԱՏՐՎԵՑԻՆ ՏԱՐԲԵՐ ՈԼՈՐՏԻ ՆԵՐԿԱՅԱՑՈՒՑԻՉՆԵՐ
|
Երեկ Մասիս համայնքում կայացավ արդեն ավանդույթ դարձած հերթական միջոցառումը. պարգևատրվեցին տարվա ընթացքում լավագույն արդյունքներ գրանցած սպորտի, արվեստի ու մշակույթի ոլորտի ներկայացուցիչները։ Ողջունելով ներկաներին՝ Մասիս համայնքի ղեկավար Դավիթ Համբարձումյանը կարևորեց տարվա ընթացքում արձանագրված ձեռքբերումները և հույս հայտնեց, որ գալիք տարում դրանց թիվը կավելանա։ Ամփոփելով իր խոսքը՝ Դ. Համբարձումյանը մաղթեց, որ 2025 թվականը լինի առանց կորուստների, խաղաղության և հաղթանակների տարի: Ներկաներին փոխանցվեց նաև Մասյացոտնի թեմի առաջնորդ Տեր Գևորգ եպիսկոպոս Սարոյանի օրհնությունն ու բարեմաղթանքը: Շնորհավորում ենք բոլոր մրցանակակիրներին: |
|
|
27.12.24
Ի ՆՇԱՆ ՇՆՈՐՀԱԿԱԼԱՆՔԻ
|
Երեկ Մասիս համայնքի ղեկավար Դավիթ Համբարձումյանը հյուրընկալել էր մի խումբ արցախցի մեր հայրենակիցների, ովքեր ակտիվորեն ներգրավված են եղել կամավորական աշխատանքներում, աջակցել արցախահայերին օգնության տրամադրման գործընթացում։ Դ.Համբարձումյանը շնորհակալություն հայտնեց կատարված աշխատանքի համար և կարևորեց այն հանգամանքը, որ նրանք ինտեգրվել են համայնքային կյանքին։ Ներկաներն էլ շնորհակալություն հայտնեցին համայնքապետին և համայնքապետարանի աշխատակազմին` Մասիս համայնքում հանգրվանած արցախահայերի նկատմամբ ցուցաբերած հոգածության և ուշադրության համար։ |
|
|
26.12.24
ԱՆՑԿԱՑՎԵՑ ԱՐՏԱՀԵՐԹ ՆԻՍՏ
|
Երեկ տեղի ունեցավ Մասիս համայնքի ավագանու արտահերթ նիստ, որին մասնակցում էր ավագանու 14 անդամ: Ներկայացված օրակարգային հարցերն արժանացան ավագանու անդամների հավանությանը, և կայացվեցին համապատասխան որոշումներ: Մանրամասները՝ |
|
|
25.12.24
ՄԱՍԻՍՑԻ ԸՄԲԻՇԸ՝ ՀԱՅԱՍՏԱՆԻ ՉԵՄՊԻՈՆ
|
Երևանի «Միկա» մարզադահլիճում ավարտվեց հունահռոմեական ըմբշամարտի Հայաստանի առաջնությունը, որին մասնակցում էր շուրջ 80 ըմբիշ: Մրցաշարին մասնակցում էր նաև Մասիս համայնքը ներկայացնող Մարտիկ Պետրոսյանը, ով դարձավ Հայաստանի չեմպիոն՝ 77կգ քաշային կարգում: Շնորհավորում ենք մեր մարզիկին, մաղթում նորանոր հաղթանակներ: |
|
|
24.12.24
ԵՎՍ ՄԵԿ ԱՄՓՈՓԻՉ ՀԱՆԴԻՊՈՒՄ
|
Դեկտեմբերի 24-ին տարին ամփոփեցին նաև Մասիս համայնքի Դուքենդո մարզաձևի ներկայացուցիչները: Միջոցառմանը ներկա էին Մասիս համայնքի ղեկավար Դավիթ Համբարձումյանը, Դուքենդո կարատեի ֆեդերացիայի նախագահ Գոռ Վարդանյանը, բազմաթիվ հյուրեր, մարզիչներ, ծնողներ: Տարեմուտին ընդառաջ կազմակերպված այս հանդիպմանը հնչեցին նաև բազմաթիվ շնորհակալանքի ու շնորհավորանքի խոսքեր, իսկ Ձմեռ պապիկն ամբողջացրեց տոնական այս օրը: |
|
|
23.12.24
ԱՄՓՈՓԵԼՈՎ 2024 ԹՎԱԿԱՆԸ
|
Ընդունված ավանդույթ է, որ յուրաքանչյուր տարեվերջին ամփոփում են ամբողջ տարվա ընթացքում կատարված աշխատանքները։ Ամփոփիչ, հաշվետու միջոցառում էին կազմակերպել նաև Մասիս համայնքի Արբաթի երաժշտական դպրոցում։ Միջովառման ընթացքում ներկայացվեցին տարվա ընթացքում սաների ունեցած ձեռքբերումները, իսկ գեղեցիկ կատարումները հիացրեցին ներկաներին։ |
|
|
21.12.24
ՀԱՇՎԵՏՈՒ ՀԱՄԵՐԳ՝ ԵՐԱԺՇՏԱԿԱՆ ԴՊՐՈՑԻ ԴԱՀԼԻՃՈՒՄ
|
Մասիս համայնքի Առնո Բաբաջանյանի անվան երաժշտական դպրոցի սաների համար երեկ կրկին պատասխանատու օր էր. նրանք հանդես եկան տարեվերջյան հաշվետու համերգով։ Ողջունելով ներկաներին` կրթօջախի տնօրեն Գ. Բաղդասարյանը հպարտությամբ ու ոգևորությամբ խոսեց տարվա ընթացքում սաների ունեցած հաջողությունների մասին, այս համատեքստում կարևորելով ուսուցիչների տքնաջան ու նվիրված աշխատանքը։ Մասիս համայնքի ղեկավարի օգնական Ռ. Հովհաննիսյանն էլ անդրադարձավ այն ծրագրերին, որոնք իրականացվելու են գալիք տարվա ընթացքում` Մասիսի համայնքապետարանի աջակցությամբ։ Իսկ սաների գեղեցիկ կատարումներն արժանացան ներկաների բարձր գնահատանքին։ |
|
| 1 2 3 4 5 6 7 8 9 10 ... |