Մասիսի համայնքապետարանի պաշտոնական կայք

22.11.24 ‼️ՈՒՇԱԴՐՈՒԹՅՈՒՆ‼️

Մասիս համայնքի հարգելի՛ բնակիչներ,

Հիշեցնում ենք, որ անշարժ գույքի, փոխադրամիջոցների մասով հարկային հաշվետու տարվա ավարտը համարվում է նոյեմբերի 30-ը։ Չվճարված հարկերի համար դեկտեմբերի 1-ից սկսում է հաշվարկվել տույժ` յուրաքանչյուր օրվա համար։

Հարգելի՛ բնակիչներ,

Հորդորում ենք, հավելյալ տույժերից խուսափելու համար կատարել հարկային պարտավորությունները։

Տեղեկատու հեռախոսահամար՝

094 200 753

21.11.24 ՔՆՆԱՐԿՎԵՑ ՀԱՄԱՅՆՔԻ ԲՅՈՒՋԵԻ ՆԱԽԱԳԻԾԸ

Այսօր Մասիսի համայնքապետարանի նիստերի դահլիճում տեղի ունեցավ համայնքի 2025 թվականի բյուջեի նախագծի քննարկումը, որին մասնակցում էին խոշորացված համայնքի բնակավայրերի վարչական ղեկավարներ, համայնքապետարանի աշխատակիցներ, բնակիչներ:Ողջունելով ներկաներին` համայնքի ղեկավարի առաջին տեղակալ Նորայր Հակոբյանը նշեց, որ Մասիս համայնքի ղեկավար Դավիթ Համբարձումյանը, Մասիսի համայնքապետարանի աշխատակազմն ի սկզբանե որդեգրել են թափանցիկ և հաշվետվողական գործելաոճ` կարևորելով հանրային մասնակցությունը տեղական ինքնակառավարման գործընթացներում։Համայնքապետարանի ֆինանսատնտեսագիտական բաժնի պետ Արմինե Կոստանյանը ներկայացրեց արդեն իսկ հանրային քննարկման դրված բյուջեի նախագիծը՝ մանրամասնելով ֆոնդային և վարչական մասերով նախատեսվող ... Մանրամասն

20.11.24 📢ԳՈՐԾԱՐԿՎԵԼՈՒ Է ԷԼԵԿՏՐԱԿԱՆ ՇՉԱԿ

Սայաթ-Նովա բնակավայրի հարգելի բնակիչներ,

2024 թվականի նոյեմբերի 21-ին՝ ժամը 11:00-ից 12:00-ն ընկած ժամանակահատվածում, «Սայաթ-Նովայի միջնակարգ դպրոց» ՊՈԱԿ-ում իրականացվելու է էլ. շչակի գործարկմամբ գործնական պարապմունք՝ «Ազդարարում, տարահանում, պատսպարում» թեմայով:

Խնդրում ենք չանհանգստանալ:

18.11.24 ԺԵՍՏ ԿԵՆՏՐՈՆԻ ՀՈԳԵԲԱՆՆԵՐԸ ՀՅՈՒՐԸՆԿԱԼՎԵՑԻՆ ՄԱՍԻՍԻ ՀԱՄԱՅՆՔԱՊԵՏԱՐԱՆՈՒՄ

Օրերս Մասիս համայնքի ղեկավար Դավիթ Համբարձումյանը հյուրընկալեց Ժեստ հոգեբանական կենտրոնի թիմին՝ հիմնադիրների գլխավորությամբ:Կենտրոնն իր 17-ամյա գործունեության ընթացքում մշտապես ագաբնակչությանը բարի ժեստ է կատարել՝ իր ծառայություններով և գործերով։ Արդեն մեկ տարի է, ինչ Արարատի մարզում գործում է կենտրոնի Արտաշատ/Ժեստ մասնաճյուղը։Հանդիպման ընթացքում կենտրոնի հիմնադիրներ Մարիամ և Արկադի Մեհրաբյանները համայնքի ղեկավարին ներկայացրեցին վիճակագրություն առկա հոգեբանական խնդիրների մասին։ Ըստ հոգեբանների, առաջին տեղում Արցախից բռնագաղթած մեր հայրենակիցների խնդիրներն են, ովքեր կենտրոնի ծառայություններից օգտվում են անվճար:Մեհրաբյանները տեղեկացրին, որ կենտրոնի ծառայություններից օգտվում են նաև 44-օրյա պատերազմի ... Մանրամասն

18.11.24 ԿԱՆՑԱԿԱՑՎԻ ԻՐԱԶԵԿՄԱՆ ՀԱՆԴԻՊՈՒՄ

Կառավարության 2022 թվականի հուլիսի 21-ի թիվ 1133-Լ որոշմամբ հաստատված Դատական և իրավական բարեփոխումների ռազմավարությամբ և դրանից բխող գործողությունների ծրագրով որպես արդարադատության ոլորտում պետական քաղաքականութան կարևոր ուղղություն և միջոցառում ամրագրվել է հաշտարարության զարգացումը, որի համատեքստում կատարված օրենսդրական բարեփոխումներով սահմանվել է ընտանեկան գործերով պարտադիր հաշտարարության ինստիտուտը: Մասնավորապես, 2022 թվականին ընդունված ««Հաշտարարության մասին» օրենքում լրացումներ և փոփոխություններ կատարելու մասին» օրենքով լրացված 2-րդ հոդվածի 2.1-ին մասի համաձայն՝ ամուսնալուծության, երեխայի բնակության վայրի որոշման, ալիմենտի (ապրուստավճարի) բռնագանձման, ամուսինների ... Մանրամասն

17.11.24 ՄԱՍԻՍ ՀԱՄԱՅՆՔԻ ՂԵԿԱՎԱՐ ԴԱՎԻԹ ՀԱՄԲԱՐՁՈՒՄՅԱՆԻ ՇՆՈՐՀԱՎՈՐԱԿԱՆ ԽՈՍՔԸ

Սիրելի՛ ուսանողներ,Շնորհավորում եմ այս կարևորագույն՝ Ուսանողների համերաշխության միջազգային օրվա առթիվ:1946 թվականի նոյեմբերի 17-ին Պրահայում ընթացող Ուսանողների համաշխարհային կոնգրեսն այս օրը հռչակել է Ուսանողության միջազգային օր։Եվ սա, բնականաբար, պատահական չէ, քանզի ձեզ է վստահված մեր երկրի ներկան, նաև՝ ապագան:Ձեր միասնականության, ձեր հետևողական աշխատանքի արդյունքում կարող են իրագործվել գաղափարներ, որոնք ոչ միայն կարող են վճռորոշ լինել, այլև՝ կարող են նաև անիրական թվալ:Ժամանակն ու իրադարձությունները ցույց են տվել, որ ամենադժվարին պահերին անգամ առաջամարտիկները ուսանողներն են՝ իրենց աննկուն ոգով ու լավատեսությամբ:Սիրելի ուսանողներ,Մասիս համայնքի իմ երիտասարդ բարեկամներ,Միշտ կարևորել եմ երիտասարդ ... Մանրամասն

17.11.24 ՈՒՍԱՆՈՂՆԵՐԸ` ՀԱՆՈՒՆ ՄԱՍԻՍԻ

Այսօր Ուսանողների համերաշխության միջազգային օրն է։Խորհրդանշական և կարևորագույն այս օրվա առթիվ Մասիսի համայնքապետարանը (համագործակցությամբ «Ապահով անկյուն» ՀԿ) կազմակերպել էր «Ուսանողները հանուն Մասիսի» խորագրով համաժողով, որին մասնակցում էին համայնքի բնակիչ հանդիսացող ուսանողները, բազմաթիվ հյուրեր։Ներկաներին ողջունեց և ուղերձով հանդես եկավ Մասիսի համայնքապետ Դավիթ Համբարձումյանը, ով ի մասնավորի կարևորեց երիտասարդների դերը տարբեր գործընթացներում և հորդորեց ուսանողներին՝ լինել ավելի նախաձեռնողական և գնալ նպատակների հետևից։Դ. Համբարձումյանն ամփոփ ներկայացրեց նաև երիտասարդների համար համայնքապետարանի կողմից կազմակերպված ու իրականացված ծրագրերը և անդրադարձավ նաև առաջիկայում ... Մանրամասն

15.11.24 ՏԵՂԵԿԱՑՈՒՄ

Մասիս համայնքի 2024թ. կարիքների համար միջոցառումների կազմակերպման ծառայությունների (2 չափաբաժին) ձեռքբերման նպատակով հայտարարվել է ԱՄՄՀ-ԷԱՃԱՊՁԲ-24/131 ծածկագրով էլեկտրոնային աճուրդ, որն իրականացվում է eauction.armeps.am համակարգի միջոցով: Հայտերի բացման նիստը տեղի կունենա հայտարարության հրապարակման օրվանից հաշված 11-րդ օրը՝ ժամը 10:00-ին:********

Մասիս համայնքի 2024թ. կարիքների համար ամանորյա տոնական զարդարման և ձևավորման ծառայությունների ձեռքբերման նպատակով հայտարարվել է ԱՄՄՀ-ԷԱՃԱՊՁԲ-24/132 ծածկագրով էլեկտրոնային աճուրդ, որն իրականացվում է eauction.armeps.am համակարգի միջոցով:

Հայտերի բացման նիստը տեղի կունենա հայտարարության հրապարակման օրվանից հաշված 11-րդ օրը՝ ժամը 10:00-ին: