|
25.12.24
ՄԱՍԻՍՑԻ ԸՄԲԻՇԸ՝ ՀԱՅԱՍՏԱՆԻ ՉԵՄՊԻՈՆ
|
Երևանի «Միկա» մարզադահլիճում ավարտվեց հունահռոմեական ըմբշամարտի Հայաստանի առաջնությունը, որին մասնակցում էր շուրջ 80 ըմբիշ: Մրցաշարին մասնակցում էր նաև Մասիս համայնքը ներկայացնող Մարտիկ Պետրոսյանը, ով դարձավ Հայաստանի չեմպիոն՝ 77կգ քաշային կարգում: Շնորհավորում ենք մեր մարզիկին, մաղթում նորանոր հաղթանակներ: |
|
|
24.12.24
ԵՎՍ ՄԵԿ ԱՄՓՈՓԻՉ ՀԱՆԴԻՊՈՒՄ
|
Դեկտեմբերի 24-ին տարին ամփոփեցին նաև Մասիս համայնքի Դուքենդո մարզաձևի ներկայացուցիչները: Միջոցառմանը ներկա էին Մասիս համայնքի ղեկավար Դավիթ Համբարձումյանը, Դուքենդո կարատեի ֆեդերացիայի նախագահ Գոռ Վարդանյանը, բազմաթիվ հյուրեր, մարզիչներ, ծնողներ: Տարեմուտին ընդառաջ կազմակերպված այս հանդիպմանը հնչեցին նաև բազմաթիվ շնորհակալանքի ու շնորհավորանքի խոսքեր, իսկ Ձմեռ պապիկն ամբողջացրեց տոնական այս օրը: |
|
|
23.12.24
ԱՄՓՈՓԵԼՈՎ 2024 ԹՎԱԿԱՆԸ
|
Ընդունված ավանդույթ է, որ յուրաքանչյուր տարեվերջին ամփոփում են ամբողջ տարվա ընթացքում կատարված աշխատանքները։ Ամփոփիչ, հաշվետու միջոցառում էին կազմակերպել նաև Մասիս համայնքի Արբաթի երաժշտական դպրոցում։ Միջովառման ընթացքում ներկայացվեցին տարվա ընթացքում սաների ունեցած ձեռքբերումները, իսկ գեղեցիկ կատարումները հիացրեցին ներկաներին։ |
|
|
21.12.24
ՀԱՇՎԵՏՈՒ ՀԱՄԵՐԳ՝ ԵՐԱԺՇՏԱԿԱՆ ԴՊՐՈՑԻ ԴԱՀԼԻՃՈՒՄ
|
Մասիս համայնքի Առնո Բաբաջանյանի անվան երաժշտական դպրոցի սաների համար երեկ կրկին պատասխանատու օր էր. նրանք հանդես եկան տարեվերջյան հաշվետու համերգով։ Ողջունելով ներկաներին` կրթօջախի տնօրեն Գ. Բաղդասարյանը հպարտությամբ ու ոգևորությամբ խոսեց տարվա ընթացքում սաների ունեցած հաջողությունների մասին, այս համատեքստում կարևորելով ուսուցիչների տքնաջան ու նվիրված աշխատանքը։ Մասիս համայնքի ղեկավարի օգնական Ռ. Հովհաննիսյանն էլ անդրադարձավ այն ծրագրերին, որոնք իրականացվելու են գալիք տարվա ընթացքում` Մասիսի համայնքապետարանի աջակցությամբ։ Իսկ սաների գեղեցիկ կատարումներն արժանացան ներկաների բարձր գնահատանքին։ |
|
|
20.12.24
«ԿԱԶԱ» ՇՎԵՅՑԱՐԱԿԱՆ ՄԱՐԴԱՍԻՐԱԿԱՆ ՀԻՄՆԱԴՐԱՄԸ ՀԱՅՏԱՐԱՐՈՒՄ Է ԻՆԿՈՒԲԱՏՈՐ ԾՐԱԳՐԻ 2024-2025ԹԹ. ՀԱՅՏԵՐԻ ԸՆԴՈՒՆԵԼՈՒԹՅՈՒՆ ՄԱՍԻՆ
|
|
«ԿԱԶԱ» շվեյցարական մարդասիրական հիմնադրամը հայտարարում է «ԽԹԱՆ» սոցիալական ձեռնարկատիրության ինկուբատոր ծրագրի 2024-2025թթ․ հայտերի ընդունելության մասին։ Ծրագրի նպատակն է խթանել տեղացիների և Արցախից տեղահանվածների զարգացումը և ինքնազբաղվածությունը մարզերում՝ աջակցելով սոցիալական և համերաշխ ձեռնարկությունների ստեղծմանն ու զարգացմանը, հատկապես՝ գյուղատնտեսական ոլորտում: Դիմելու վերջնաժամկետը դեկտեմբերի 22-ն է ժ․ 23։59-ը։
|
|
|
19.12.24
ՆՈՐ ԽԱՐԲԵՐԴՈՒՄ ԲԱՑՎԵՑ «ԱՐՄԱԹ» ԱՇԽԱՏԱՆՈՑ
|
|
Նոր Խարբերդի Մ. Ղազարյանի անվան թիվ 2 միջնակարգ դպրոցում երեկ տեղի ունեցավ «Արմաթ» ճարտարագիտական աշխատանոցի բացման արարողությունը, որին ներկա էր Մասիս համայնքի ղեկավարը, Նոր Խարբերդի վարչական ղեկավար Ն. Կակոյանը, բազմաթիվ հյուրեր, ուսուցիչներ, աշակերտներ։Ողջունելով հյուրերին ու ներկաներին` կրթօջախի տնօրեն Ս. Միրիջանյանն ուրախությամբ արձանագրեց, որ նմանատիպ աշխատանոց ունենալն աշակերտների մեծագույն երազանքն էր և դրա իրականացմանը մեծապես աջակցել է Մասիս համայնքի ղեկավար Դավիթ Համբարձումյանը:«Արմաթ» ճարտարագիտական աշխատանոցի ստեղծմանն աջակցելու, դպրոցի սովորողների երազանքն իրականություն դարձնելու համար Մասիսի համայնքապետը, Նոր Խարբերդի վարչական ղեկավարը և այլ աջակիցներ ստացան ...
Մանրամասն |
|
|
17.12.24
ԱՆՑԿԱՑՎԵՑ ԱԶԱՏ ՈՃԻ ԸՄԲՇԱՄԱՐՏԻ ԲԱՑ ԱՌԱՋՆՈՒԹՅՈՒՆ
|
Օրերս Մասիս քաղաքի Արմեն Նազարյանի անվան մարզադպրոցում տեղի ունեցավ ազատ ոճի ըմբշամարտի բաց առաջնություն, որին մասնակցեց ՀՀ տարբեր համայնքներից եկած 300 մարզիկ։ Առաջնության մասնակիցներին, մարզիչներին ու հյուրերին ողջունեց Մասիսի համայնքապետարանի Կրթության, սպորտի, մշակույթի, երիտասարդության և առողջապահության բաժնի պետ Տիգրան Բաբախանյանը, ով ի մասնավորի կարևորեց առաջնության կազմակերպումն ու անցկացումը և հաջողություն մաղթեց մասնակից ըմբիշներին: Առաջնությունն ընթացավ լարված ու մրցակցային մթնոլորտում, քանզի յուրաքանչյուր ըմբիշ պայքարում է հաղթողի կոչման համար: Երկօրյա պայքարի արդյունքում որոշվեցին հաղթողները, ովքեր և կանգնեցին պատվո հարթակին: |
|
|
16.12.24
ՏԵՂԻ ՈՒՆԵՑԱՎ ՊԱՏՎԱՍՏՈՒՄՆԵՐԻ ՎԵՐԱՆՈՐՈԳՎԱԾ ՍԵՆՅԱԿԻ ՊԱՇՏՈՆԱԿԱՆ ԲԱՑՈՒՄԸ. ՌԱՆՉՊԱՐ
|
|
Տեղի ունեցավ Մասիս համայնքի Ռանչպար բնակավայրի բուժամբուլատորիայի պատվաստումների վերանորոգված սենյակի պաշտոնական բացման արարողությունը, որին ներկա էին Մասիս համայնքի ղեկավարի առաջին տեղակալ Նորայր Հակոբյանը, Մասիս համայնքի բուժամբուլատորիաների տնօրեններ, Մասիսի համայնքապետարանի, ինչպես նաև համայնքապետին կից Կանանց և երիտասարդների խորհրդակցական մարմինների /ԿԵԽՄ/ ներկայացուցիչներ, հյուրեր:Պատվաստումների սենյակի վերանորոգումը և կահավորումն իրականացվել է Մասիս համայնքի ղեկավարին կից ԿԵԽՄ կողմից իրականացված դրամաշնորհային ծրագրի շրջանակներում՝ ՄԱԶԾ-Մասիսի համայնքապետարան համաֆինանսավորմամբ:Ողջունելով ներկաներին՝ Մասիս համայնքի ղեկավարի առաջին տեղակալ Նորայր Հակոբյանը կարևորեց ԿԵԽՄ-ի կատարած աշխատանքը, ...
Մանրամասն |
|
| 1 2 3 4 5 6 7 8 9 10 ... |