|
23.10.24
ԱՐՏԱԿԱՐԳ ԻՐԱՎԻՃԱԿՆԵՐՈՒՄ ՄԱՍԻՍ ՀԱՄԱՅՆՔԻ ԴԻՄԱԿԱՅՈՒՆՈՒԹՅԱՆ ԲԱՐՁՐԱՑՄԱՆՆ ՈՒՂՂՎԱԾ ԱՇԽԱՏԱՆՔԱՅԻՆ ՀԱՆԴԻՊՈՒՄ
|
|
«Դիմակայունություն բոլորի համար» ծրագրի շրջանակներում, որն իրականացվում է ՄԱԿ-ի զարգացման ծրագրի (ՄԱԶԾ) կողմից, վերջերս աշխատանքային հանդիպում տեղի ունեցավ Մասիս համայնքի ղեկավար Դավիթ Համբարձումյանի, համայնքի դիմակայության թիմի ներկայացուցիչների և ՄԱԶԾ ծրագրի համակարգող Արմեն Չիլինգարյանի միջև։Ծրագրային այս բաղադրիչի նպատակն աղետներին պատրաստվածության և արձագանքման համայնքային կարողությունների հզորացումն է՝ ելնելով Լեռնային Ղարաբաղից փախստականների և բնակչության այլ խոցելի խմբերի հատուկ կարիքներից: Այս առումով հանդիպման ընթացքում քննարկվեցին կամավորական փրկարարական ջոկատի ստեղծմանը և համայնքային Աղետների ռիսկի կառավարման (ԱՌԿ) պլանի մշակմանն առնչվող հարցեր, ներկայացվեցին առկա խնդիրները ...
Մանրամասն |
|
|
23.10.24
ԲԱՐԵԿԱՐԳՎՈՒՄ Է ՄՊՍԿ-Ի ԲԱԿԸ
|
Մասիս համայնքում շարունակվում են համայնքային բյուջեով իրականացվող ծրագրերը: Ներկայում ընթանում են Մասիսի Մանկապատանեկան ստեղծագործական կենտրոնի/ՄՊՍԿ/ բակի բարեկարգման աշխատանքները: Հավելենք, որ այս նախագիծը հաղթող է ճանաչվել 2024թ. մասնակցային բյուջետավորման ծրագրով: |
|
|
22.10.24
ԹՈՂ ՄԻՇՏ ՀՆՉԻ ՄԱՆԿԱԿԱՆ ՈՒՐԱԽ ԾԻԾԱՂԸ
|
Այս օրերին ՄԱԿ ՓԳՀ-ն իրականացնում է նորարարական մարդասիրական առաքելություն՝ ֆրանսիական «Laughing Stars» ՀԿ-ի հետ համատեղ. Ֆրանսիայից ժամանած աճպարարները /հայրը և որդիները/ կայցելեն ՀՀ տարբեր համայնքներ՝ իրենց հնարքներով զարմացնելու և ուրախացնելու փոքրերին, նաև՝ մեծահասակներին: Աճպարարները երեկ հյուրընկալվեցին Մասիսի մանկապատանեկան ստեղծագործական կենտրոնում և Հովտաշատ բնակավայրի «Շուշան» մանկապարտեզում: Աննկարագրելի էր փոքրիկների ուրախությունն ու խանդավառությունը, ովքեր ոչ միայն դիտում էին աճպարարական հնարքները, նաև՝ մասնակցում: Հյուրախաղերի ընթացքում աճպարարները կրկին կայցելեն Մասիս՝ ուրախացնելու մասիսցի ու Արցախից տեղահանված և Մասիսում հանգրվանած փոքրիկներին: |
|
|
22.10.24
ԿԳՈՐԾԻ ՄԱՍԻՍ-ԱՅՆԹԱՊ-ԵՐԵՎԱՆ ԵՐԹՈՒՂԻՆ
|
Տեղեկացնում ենք, որ այսօրվանից ժամանակավորապես կգործի Մասիս-Այնթապ-Երևան երթուղին: Երթուղու ժամանակացույցի հետ կապված կտրվի հավելյալ տեղեկատվություն: Տեղեկացնենք նաև, որ Մասիսի համայնքապետարանը կրկին մրցույթ է հայտարարել՝ «Մասիս քաղաք-գյուղ Այնթապ թիվ 02» ներհամայնքային երթուղին սպասարկելու իրավունքի ժամանակավոր հատկացման համար կանոնավոր ուղևորափոխադրումներ իրականացնող կազմակերպություն և անհատ ձեռնարկատեր ընտրելու նպատակով: |
|
|
22.10.24
ՆՈՐԱՄԱՐԳՈՒՄ ԲԱՑՎԵՑ «ԱՐՄԱԹ» ԼԱԲՈՐԱՏՈՐԻԱՆ
|
|
Կարևորելով Մասիս համայնքում տեղեկատվական տեխնոլոգիաների զարգացումը՝ Մասիսի համայնքապետ Դավիթ Համբարձումյանը մշտապես հետևողականություն է ցուցաբերել ոլորտի կայացման և զարգացման ուղղությամբ։Համայնքապետարանն աջակցել և աջակցում է նաև գյուղերում «Արմաթ» լաբորատորիաների հիմնադրմանը։Այսօր Նորամարգի միջնակարգ դպրոցում տեղի ունեցավ «Արմաթ» ինժեներական լաբորատորիայի բացման արարողությունը, որին ներկա էր Մասիս համայնքի ղեկավարի օգնական Ռ. Հովհաննիսյանը, Մասիսի համայնքապետարանի աշխատակազմի ներկայացուցիչներ, ՀՀ Արարատի մարզպետի աշխատակազմի ներկայացուցիչներ, հյուրեր, ուսուցիչներ, աշակերտներ։Ողջունելով ներկաներին՝ դպրոցի տնօրենը շնորհակալություն հայտնեց բոլոր աջակիցներին և նշեց, որ բնակավայրի ...
Մանրամասն |
|
|
19.10.24
ԱՐՑԱԽՅԱՆ ՇՈՒՆՉԸ՝ ՄԱՍԻՍԻ ԿԵՆՏՐՈՆԱԿԱՆ ԱՅԳՈՒՄ
|
Այսօր Մասիս համայնքում անցկացվեց «Արցախի օրեր» միջոցառումը: Վաղ առավոտից բազմամարդ էր Մասիս քաղաքի կենտրոնական այգին, որը լցվել էր արցախյան բույրով ու շնչով: Ներկաները սիրով ունկնդրեցին «Դիզակ ԱՐՏ» ՀԿ երգի-պարի համույթի կատարումները, որոնց զուգահեռ տաղավարներում ցուցադրված էին արցախցիների պատրաստած ձեռագործ իրեր, իսկ ուտեստների գայթակղիչ հոտը տարածվել էր շրջակայքում: Միջոցառման ընթացքում չէին կարող մոռացվել ավանդական խաղերը, իսկ վարպետաց դասերին ձգտում էին մասնակցել թե՛ մեծերը, թե՛ փոքրերը: Գունագեղ այս միջոցառումը ևս մեկ առիթ էր՝ մեկտեղելու տարբեր բնակավայրերում հանգրվանած արցախահայերին: |
|
|
17.10.24
ԿԱՐԵՎՈՐԵԼՈՎ ԿԱՆԱՆՑ ԵՎ ԵՐԻՏԱՍԱՐԴՆԵՐԻ ՄԱՍՆԱԿՑՈՒԹՅՈՒՆԸ
|
|
Այսօր Մասիսի համայնքապետարանում հյուրընկալվեցին Հայաստանում Միացյալ Թագավորության դեսպան Ջոն Գալագերը, Հայաստանում ՄԱԶԾ մշտական ներկայացուցիչ Նաթիա Նացվլիշվիլին, ՄԱԶԾ ներկայացուցիչներ, Երևանում բրիտանական դեսպանատան ներկայացուցիչներ, «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակում ստեղծված տարբեր համայնքների Կանանց և երիտասարդների խորհրդակցական մարմինների (ԿԵԽՄ) անդամներ:Ողջունելով հյուրերին՝ Մասիս համայնքի ղեկավար Դավիթ Համբարձումյանը շնորհակալություն հայտնեց դեսպան Ջոն Գալագերին և Հայաստանում ՄԱԶԾ մշտական ներկայացուցչին՝ կարևորելով համայնքներին ցուցաբերվող աջակցությունը: Դ. Համբարձումյանը կարևորեց նաև տեղական ինքնակառավարման գործընթացներում ...
Մանրամասն |
|
|
17.10.24
ՆՇՎԵՑ ՈՉ ՆՅՈՒԹԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՄԻՋԱԶԳԱՅԻՆ ՕՐԸ
|
Առաջին անգամ Հայաստանում հոկտեմբերի 17-ը նշվում է որպես Ոչ նյութական մշակութային ժառանգության հանրահռչակման միջազգային օր: Կարևորելով ոչ նյութական մշակութային ժառանգության դերն ու նշանակությունը՝ Մասիս համայնքում անցկացվեց բազմաբովանդակ ծրագրով միջոցառում` հագեցած ողջույնի խոսքով, թեմատիկ զեկույցներով, երաժշտական կատարումներով։ Ի մասնավորի կարևորվեց ոչ նյութական մշակութային ժառանգության պահպանման հարցը։ |
|
| 1 2 3 4 5 6 7 8 9 10 ... |