|
26.05.25
ՊԱՐԳԵՎԱՏՐՎԵՑԻՆ ԼԱՎԱԳՈՒՅՆՆԵՐԸ
|
Այսօր Մասիս համայնքի ղեկավար Դավիթ Համբարձումյանը հյուրընկալել էր տարվա ընթացքում բարձր առաջադիմություն ցուցաբերած աշակերտներին։ Ողջունելով ներկաներին` Դ. Համբարձումյանը նշեց, որ երիտասարդները մշտապես գտնվում են ուշադրության կենտրոնում, և համայնքապետարանի կողմից պարբերաբար իրականացվում են տարբեր ծրագրեր, որոնք ուղղակիորեն առնչվում են երիտասարդներին։ Համայնքապետն ամփոփ անդրադարձավ նաև համայնքում ընթացող ծրագրերին և նշեց, որ ի սկզբանե կարևորվել է բնակավայրերի համաչափ զարգացման սկզբունքը։ Դ. Համբարձումյանը պատասխանեց հնչեցված մի շարք հարցերին և երիտասարդներին հորդորեց ակտիվորեն մասնակցել ՏԻ գործընթացներին, մասնակցել համայնքի զարգացմանը։ Աշակերտներն արժանացան նաև խրախուսական նվերների։ |
|
|
26.05.25
‼️ՈՒՇԱԴՐՈՒԹՅՈՒՆ‼️
|
Վաղը՝ ժամը 10:30-ից, «Մասիս համայնքի կոմունալ տնտեսություն, բարեկարգում և կանաչապատում» ՀՈԱԿ-ի կողմից Մասիս քաղաքում իրականացվելու են ծառերի սրսկման աշխատանքներ: Անվտանգության նկատառումներից ելնելով` հորդորում ենք փակ պահել պատուհաններն ու դռները: |
|
|
23.05.25
ՄԱՍԻՍ ՀԱՄԱՅՆՔԻ ՂԵԿԱՎԱՐ ԴԱՎԻԹ ՀԱՄԲԱՐՁՈՒՄՅԱՆԻ ՇՆՈՐՀԱՎՈՐԱԿԱՆ ԽՈՍՔԸ
|
|
Սիրելի՛ շրջանավարտներ,Հարգելի՛ ուսուցիչներ, ծնողներ,Շնորհավորում եմ այս կարևորագույն և խորհրդանշական օրվա առթիվ։Սիրելի՛ շրջանավարտներ,Տոնական այս օրը, որը լի է հույզերով ու հիշողություններով, մաղթանքներով ու հրաժեշտի խոսքերով, ձեզ ուղեկցելու է ամբողջ կյանքի ընթացքում։Դպրոցական վերջին զանգն այսօր հնչում է որպես կոչնակ` ազդարարելով մի նոր կյանքի սկիզբ։Նվիրական այս օրը դուք հրաժեշտ եք տալիս հարազատ կրթօջախներին և սիրելի ուսուցիչներին, ովքեր տարիներ շարունակ անսպառ նվիրումով կրթել ու դաստիարակել են ձեզ, փոխանցել նաև հոգևոր-բարոյական մնայուն արժեքներ, որոնք պետք է դառնան ուղեցույց նոր կյանքի ճանապարհին և ապագայի կերտման հիմնաքարը։Սիրելի՛ շրջանավարտներ,Իմ պատանի բարեկամներ,Հրաժեշտ տալով դպրոցական անհոգ ...
Մանրամասն |
|
|
20.05.25
ՏԵՂԻ ՈՒՆԵՑԱՎ ԱՎԱԳԱՆՈՒ ՀԵՐԹԱԿԱՆ ՆԻՍՏԸ
|
Այսօր կայացավ Մասիս համայնքի ավագանու հերթական նիստը։ Ավագանու հավանությանն էր ներկայացված 4 տասնյակից ավելի հարց։ Օրակարգային հարցերի վերաբերյալ կայացվեցին համապատասխան որոշումներ։ Մանրամասները` |
|
|
20.05.25
ՄՊՍԿ ԹԱՏԵՐԱԽՄԲԵՐԻ ՆՈՐ ՁԵՌՔԲԵՐՈՒՄՆԵՐԸ
|
Մասիսի Մանկապատանեկան ստեղծագործական կենտրոնի(ՄՊՍԿ) «Մասիսի նոր սերունդ» և «Սիրոն» թատերախմբերը (գեղ. ղեկավար՝ Արշակ Ղազարյան) շարունակում են հաջողությամբ հանդես գալ տարբեր բեմահարթակներում։ Խմբերը փայլուն մասնակցությունն ունեցան նաև «Էտյուդ» արվեստի մրցույթ-փառատոնում` գրավելով պատվավոր առաջին հորիզոնականը և արժանանալով «Լավագույն կոմպոզիցիոն լուծում» մրցանակին։ Շնորհավորում ենք։ |
|
|
19.05.25
ՓԱՌԱՏՈՆ, ՈՐԸ ԿԽԹԱՆԻ ՆԱԵՎ ՀԱՄԱՅՆՔԱՅԻՆ ՀԱՄԱԳՈՐԾԱԿՑՈՒԹՅՈՒՆԸ
|
Մասիս համայնքում ընթացող երաժշտական փառատոնի երկրորդ օրն էլ ավելի հարուստ էր հաճելի ու տպավորիչ պահերով։ Բեմահարթակին կրկին Մասիս համայնքում գործող 4 երաժշտական դպրոցի սաներն էին, ովքեր հանդես եկան գործիքային կատարումներով։ Հուզումնառատ այս օրն էլ ամփոփվեց գնահատանքի խոսքերով։ Առջևում փառատոնի երրորդ օրն է։ |
|
|
18.05.25
ՄԵԿՆԱՐԿԵՑ ՄԱՍԻՍ ՀԱՄԱՅՆՔԻ ԵՐԱԺՇՏԱԿԱՆ ԴՊՐՈՑՆԵՐԻ ՓԱՌԱՏՈՆԸ
|
|
Մշակութային կյանքը Մասիս համայնքում նոր փուլ է մտնում, և տարբեր հետաքրքիր միջոցառումները հաջորդում են միմյանց. երեկ մեկնարկեց Մասիս համայնքի երաժշտական դպրոցների փառատոնը, որն անցկացվում է առաջին անգամ։Ողջունելով ժյուրիի անդամներին, հյուրերին, ներկաներին` Մասիս համայնքի ղեկավար Դավիթ Համբարձումյանը կարևորեց փառատոնի կազմակերպումն ու անցկացումը, քանզի սա մի նոր հարթակ է, որտեղ դպրոցների սաները հնարավորություն ունեն ներկայացնելու իրենց երաժշտական հմտությունները, տաղանդը։Դ. Համբարձումյանը վստահեցրեց, որ այս նախաձեռնությունը կդառնա շարունակական և կամրապնդի մշակութային կապերը, կբարձրացնի երաժշտական արվեստի նշանակությունը համայնքային կյանքում։Փառատոնային առաջին օրը բավական հագեցած էր, և համայնքի յուրաքանչյուր ...
Մանրամասն |
|
|
10.05.25
ՕՐՎԱ ԽՈՐՀՐԴԻՆ ՆՎԻՐՎԱԾ ՄԻՋՈՑԱՌՈՒՄ` ԴԱՐԱԿԵՐՏՈՒՄ
|
Երեկ Դարակերտ գյուղում նույնպես տեղի ունեցավ միջոցառում, որը նվիրված էր Հաղթանակի և խաղաղության օրվան։ Միջոցառմանը ներկա էին Մասիս համայնքի ղեկավար Դավիթ Համբարձումյանը, բնակավայրերի վարչական ղեկավարներ, հյուրեր, բնակիչներ։ Դարակերտի այգում, որտեղ տեղադրված է գյուղի զոհվածներին նվիրված հուշարձանը, տեղի ունեցավ ծաղկեդրման արարողություն, նաև հոգեհանգստյան կարգ` հանուն խաղաղության, հանուն վաղվա օրվա զոհված հայորդիների համար։ Իսկ նրանց հիշատակը միշտ վառ կմնա, քանի դեռ կան փոքրիկներ, ովքեր խոստացան, որ միշտ հիշելու են անմահ հերոսներին։ Հավերժ փա՛ռք բոլոր ժամանակների մեր հերոսներին.... |
|
| 1 2 3 4 5 6 7 8 9 10 ... |