1.Սույն կարգը սահմանում է ՀՀ Արարատի մարզի Մասիս քաղաքի համայնքի ղեկավարի կողմից քաղաքացիների ընդունելության կազմակերպման ընթացակարգը:
2.Քաղաքացիների ընդունելությունը անցկացվում է ամեն հինգշաբթի օրը ժամը 1400-ից:
3.Եթե քաղաքացու հարցը չի վերաբերվում ՏԻՄ-երի գործառույթներին, ապա քաղաքացուն խորհրդատվություն է տրվում, թե որ մարմնի իրավասությանն է վերաբերվում տվյալ հարցը:
4.Համայնքի ղեկավարի իրավասության մեջ չեն դատական մարմինների վարույթում գտնվող և դատարանների վճիռներով լուծում ստացած հարցերի վերաբերյալ քաղաքացիների դիմումները:
5.Մասիս համայնքի ղեկավարի կողմից անցկացվող քաղաքացիների ընդունելությանը` քաղաքացիների բարձրացրած հարցերի բնույթից կախված, անհրաժեշտության դեպքում պետք է մասնակցեն նաև փոխքաղաքապետերը և աշխատակազմի բաժնի ղեկավարները: