Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 16-րդ հոդվածի 14-րդ կետի և ,,Բաժնետիրական ընկերությունների մասին,, Հայաստանի Հանրապետության օրենքի 10-րդ հոդվածի 4-րդ մասի, 12-րդ հոդվածի, 67-րդ հոդվածի 1-ին կետի ա/ ենթակետի պահանջներով. Մասիս քաղաքային համայնքի ավագանին որոշում է՝

1.Տալ համաձայնություն համայնքի ղեկավարի առաջարկությանը ,,Մաքուր Մասիս,, փակ բաժնետիրական ընկերություն ստեղծելու համար:
2.Սահմանել ,,Մաքուր Մասիս,, փակ բաժնետիրական ընկերության կանոնադրական կապիտալը՝500.000 /հինգ հարյուր հազար/ՀՀ դրամ, որը համապատասխանում է 10 հատ հասարակ /սովորական/ բաժնետոմսի ՝ յուրաքանչյուրը 50. 000 ՀՀ դրամ անվանական արժեքով:
3.Հաստատել   ,,Մաքուր Մասիս,, փակ բաժնետիրական ընկերության կանոնադրությունը համաձայն հավելվածի:
4.Սույն որոշումն ուժի մեջ մտելուց հետո մեկ ամիս ժամկետում Հայաստանի Հանրապետության օրենսդրությամբ սահմանված կարգով ապահովել ,,Մաքուր Մասիս,, փակ բաժնետիրական ընկերության կանոնադրության պետական գրանցումը և ընկերության հիմնադրի՝ օրենքով սահմանված մյուս լիազորությունների իրականացումը: