Ղեկավարվելով Տեղական ինքնակառավարման մասին Հայաստանի Հանրապետության օրենքի 35-րդ հոդվածի 1-ին մասի 7-րդ կետի, 18-րդ հոդվածի 1-ին մասի 28-րդ կետի,Պետական ոչ առևտրային կազմակերպությունների մասին Հայաստանի Հանրապետության օրենքի 9-րդ հոդվածի 5-րդ մասի պահանջներով, հաշվի առնելով Մասիս քաղաքային համայնքի ղեկավարի առաջարկը Մասիս քաղաքային համայնքի ավագանին որոշում է․
1.Մասիս քաղաքային համայնքի ավագանու 11.02.2009 թվականի թիվ 04 որոշմամբ և Մասիս քաղաքային համայնքի ղեկավարի 27.02.2009 թվականի թիվ 115 որոշմամբ ստեղծված Մասիս քաղաքի Բնակչության հատուկ սպասարկում համայնքային ոչ առևտրային կազմակերպությունը վերանվանել Մասիսի կոմունալ տնտեսություն, բարեկարգում և բնակչության հատուկ սպասարկումհամայնքային ոչ առևտրային կազմակերպության:
2.Սահմանել, որ կազմակերպության հիմնական նպատակն է Մասիս քաղաքային համայնքում իրականացնել աղբահանության և սանիտարական մաքրման, բարեկարգման, կանաչապատ տարածքների խնամքի և ընդլայնման, բնակարանային ֆոնդի, արտաքին լուսավորության ցանցի սպասարկման և գերեզմանատների սպասարկման գործառույթները:
3. Սահմանել, որ կազմակերպությունը իրավունք ունի զբաղվելու հետևյալ ձեռնարկատիրական գործունեությամբ.
1)Ֆիզիկական և իրավաբանական անձանց սեփականություն հանդիսացող տարածքների բարեկարգում, կանաչապատում,
2)Ոչ կենցաղային, շինարարական և խոշոր եզրաչափի աղբի հավաքում, փոխադրում,
3)Ֆիզիկական և իրավաբանական անձանց սեփականություն հանդիսացող շենք-շինությունների վերանորոգում, բարեկարգում:
4.Հաստատել Մասիս քաղաքի Բնակչության հատուկ սպասարկում ՀՈԱԿ-ի կանոնադրությունը նոր խմբագրությամբ /հավելվածը կցվում է/: