Ուսումնական տարվան ընդառաջ, Մասիսի քաղաքապետ, ՀՀԿ Մասիսի շրջանային խորհրդի նախագահ Դավիթ Համբարձումյանն անակնկալ էր պատրաստել առաջին դասարան գնացող փոքրիկ մասիսցիների համար: Օգոստոսի 27-ին, Մասիս ՀԿ–ի հետ համատեղ, Մասիս քաղաքի Կենտրոնական այգում տեղի ունեցավ երաժշտական երեկո, որտեղ իրենց կատարումներով փայլեցին Մասիսի տաղանդավոր երեխաներն ու հրավիրված խմբերը: Երեկոյի սկզբում քաղաքապետ Դ. Համբարձումյանը ողջունեց ներկաներին և նշեց.

-Սիրելի՛ համաքաղաքացիներ, շնորհավորում եմ բոլորիս գալիք ուսումնական տարվա կապակցությամբ: Առանձնահատուկ շնորհավորում եմ առաջին դասարանցիներին` մաղթելով ուսման մեջ հաջողություն: Վստահ եմ, որ իրենց գիտելիքներով նրանք մեր քաղաքի նոր շունչն են դառնալու: