Երևանի քաղաքապետարանում մեկնարկել է կլիմայական խնդիրների լուծմանն ուղղված «Կլիմաթոն Երևան» առաջին հաքաթոնը: «Կայուն Էներգիայի Զարգացման Հիմնադրամի» կողմից անցկացվող միջոցառման նպատակն է մշակել նորարար և օպտիմալ լուծումներ` բարելավելու բնապահպանական և էներգետիկ կառավարումը, որոնց վերջնական նպատակը օդի մաքրմանը նպաստելն է: Ծրագրին մասնակցում են ավելի քան 40 ծրագրավորման և տվյալների վերլուծության մեջ հմուտ երիտասարդներ, ինժեներներ, երիտասարդ գիտնականներ և նորարարներ, բիզնես մտածողություն ունեցող կրեատիվ մարդիկ: Մասիսի քաղաքապետ Դ. Համբարձումյանի ջանքերով ու սրտացավ վերաբերմունքի շնորհիվ Մասիս քաղաքը քաղաքապետերի դաշնագրի անդամ է և միացել է էներգախնայողության ու էներգետիկ զարգացման բոլոր ծրագրերին: Առաջիկայում Մասիս քաղաքը նախատեսում է իրականացնել նմանատիպ ծրագրեր և կիսվել իր փորձով այն քաղաքների հետ, որոնք դեռ չեն միացել էներգետիկ զարգացման ծրագրերին և քաղաքապետերի դաշնագրի անդամ չեն: |