1. 2024թ. հունվարի 11-ին Հայաստանի Հանրապետության Արարատի մարզի Մասիսի համայնքապետարան է ստացվել «ՋՄԵՏԱԼ ԹՐԵՅԴԻՆԳ ԿՈՄՊԱՆԻ» ՍՊ ընկերության տնօրեն Տիգրան Վարդազարյանի գրությունը՝ հասցեագրված Մասիս համայնքի ղեկավար Դավիթ Համբարձումյանին։ Գրությամբ Տ․Վարդազարյանըհայտնել է, որ ընկերությունը Մասիս քաղաքում նախատեսում է իրականացնել մետաղաձուլման արտադրամասի կառուցում, որի նպատակով ՀՀ կառավարության 2023թ. դեկտեմբերի 28-ի N2343-Ն որոշման համաձայն՝ անհրաժեշտ է իրականացնել հանրային լսումներ։
2. «ՋՄԵՏԱԼ ԹՐԵՅԴԻՆԳ ԿՈՄՊԱՆԻ» ՍՊ ընկերության իրավաբանական հասցեն է՝ քաղաք Երևան, Թումանյան փողոց, 1 անց., 4 շենք, 6 բնակարան։ Համաձայն «Շրջակա միջավայրի վրա ազդեցության գնահատման և փորձաքննության մասին օրենքում փոփոխություններ և լրացումներ կատարելու մասին» ՀՀ օրենքի 12-րդ հոդվածի՝ տվյալ գործունեությունը դասվում է Ա կատեգորիայի։ Կառուցվող արտադրամասում նախատեսվում է պողպատի ջարդոնից ստանալ մետաղակոճղեր։ Գործունեությունը նախատեսվում է իրականացնել Մասիս քաղաքի վերջնամասում գտնվող արդյունաբերական գոտում՝ ընկերության կողմից սեփականաշնորհված 0,86 հա տարածքում։ Անմիջապես արտադրամասի տակ նախատեսվող արտհրապարակի մակերեսը կազմում է 1200մ2։ Ջարդոնը արտադրամաս է տեղափոխվելու արդեն կտրված վիճակում, տարեկան արտադրողականությունը նախատեսվում է 40.000 տոննա։ Արտադրամասն աշխատելու է ջրի լրիվ շրջանառու համակարգով, մինչ մթնոլորտ արտանետումը՝ գազերն անցնելու են մաքրում թաց սկրուբերում, որի արդյունավետությունը 98 է։
3. Հանրային լսումն իրականացվելու է 2024 թվականի փետրվարի 9-ին, ժամը 12։00-ին՝ ՀՀ, Արարատի մարզ, Մասիս համայնք, Կենտրոնական հրապարակ, թիվ 4 հասցեում գտնվող Մասիսի համայնքապետարանի վարչական շենքի նիստերի դահլիճում։
- Շահագրգիռ հանրությունը առաջարկություններ, դիտողություններ և կարծիքներ կարող է ներկայացնել 20 աշխատանքային օրվա ընթացքում գրավոր կամ էլեկտրոնային եղանակով՝ դրանք ուղարկելով Մասիսի համայնքապետարանի www.masiscity.amպաշտոնական կայքէջին, իսկ քննարկումներին մասնակցելու համար կարող է գրանցվել նախօրոք՝ հանրային լսման կազմակերպման և անկացման համար համայնքի ղեկավարի կողմից լիազորված պատասխանատուի էլեկտրոնային փոստի միջոցով։
- Հանրային լսման կազմակերպման և անկացման պատասխանատուն հանդիսանում է Մասիս համայնքի ղեկավարի կողմից լիազորված, համայնքի ղեկավարի օգնական Կարեն Հակոբի Թադևոսյանը /հեռ.093-900-519, էլ․փոստ karen.tadevosyan1975@mail.ru/: