Մասիս քաղաքի Գեղարվեստի դպրոցը կազմակերպել էր ուսումնական տարվա ավարտական ցուցահանդես, որի ընթացքում ներկայացվեց կրթօջախում սովորող սաների աշխատանքները` գծանկար, գունանկար, մանրանկարչություն: Ցուցահանդեսին ներկա էր նաև Մասիսի քաղաքապետ Դ. Համբարձումյանը, փոխքաղաքապետ Խ. Արոյանը, ինչպես նաև բազմաթիվ ծնողներ և հյուրեր:
Գեղարվեստի դպրոցի տնօրենի հավաստմամբ` ուսումնական տարին դպրոցի համար եղել է բազմաթիվ ձեռքբերումներով ու նվաճումներով:
Կրթօջախի սաները, մասնակցելով մարզային և հանրապետական փառատոնների, արժանացել են պատվոգրերի և շնորհակալագրերի: Ողջունելով և շնորհավորելով շրջանավարտներին, Մասիսի քաղաքապետ Դ. Համբարձումյանը նշեց, որ ներկայացրած աշխատանքներում ակնհայտ է բարձր գեղագիտական ճաշակն ու անհատական մտածողությունը: Այս ուսումնական տարում դպրոցն ուներ 18 շրջանավարտ, որոնց քաղաքապետի ներկայությամբ դպրոցի տնօրենը հանձնց ավարտական վկայականներ: |